Friday, March 13, 2009

ಸೂತ್ರಗಳು........

ನಾನು ಪ್ರತಿ ದಿನ ಬೆಳ್ಳಂಬೆಳಗ್ಗೆ ದೇವಸ್ಥಾನಕ್ಕೆ ಹೋಗುವುದು ವಾಡಿಕೆ. ಈ ದಿನ ಸ್ವಲ್ಪ ಬೇಗ ಹೋಗಿದ್ದೆ, ಆದರೆ ಗರ್ಭ ಗುಡಿಯ ಬಾಗಿಲು ಇನ್ನೂ ತೆರೆದಿರಲಿಲ್ಲಾ. ನಾನು ದೇವಸ್ಥಾನ ಸುತ್ತ ಸುತ್ತು ಹಾಕಿ ಬಂದು, ಒಂದು ಪಕ್ಕದಲ್ಲಿ ಕುಳಿತಿದ್ದೆ.
ಆಗ ಅಲ್ಲಿ ಯಾರೋ ತಂದು ಹಾಕಿದ್ದ "ಜೀವನದ ನೀತಿ ಸೂತ್ರಗಳು " ಎನ್ನುವ ಅರ್ಥವತ್ತಾದ ಬರಹ ಓದಿದೆ.
ಅದನ್ನು ಓದಿದ ನಂತರ ನಾನು, ಈ ಸೂತ್ರಗಳನ್ನು ಯಾಕೆ ಎಲ್ಲರೊಂದಿಗೆ ಹಂಚಿಕೊಳ್ಳಬಾರದು, ಇದನ್ನು ನನ್ನ ಬ್ಲಾಗ್ನಲ್ಲಿ ಹಾಕೋಣವೆಂದು ನಿಶ್ಚಯಿಸಿದೆ. ಈ ಉಪಯುಕ್ತವಾದ ಸೂತ್ರಗಳನ್ನು ಇಲ್ಲಿ ಬರೆದಿದ್ದೇನೆ ಓದಿ.!

"ಜೀವನದ ನೀತಿ ಸೂತ್ರಗಳು "
  • ಗುಣವಿಲ್ಲದಿದ್ದರೆ ರೂಪ ವ್ಯರ್ಥ
  • ನಮ್ರತೆ ಇಲ್ಲದಿದ್ದರೆ ವಿದ್ಯೆ ವ್ಯರ್ಥ
  • ಉಪಯೋಗಿಸದಿದ್ದರೆ ಧನ (ಹಣ) ವ್ಯರ್ಥ
  • ಹಸಿವೆಯಿಲ್ಲದಿದ್ದರೆ ಭೋಜನ ವ್ಯರ್ಥ
  • ಪ್ರಜ್ಞೆಯಿಲ್ಲದಿದ್ದರೆ ಪ್ರತಿಭೆ ವ್ಯರ್ಥ
  • ಗುರಿಯಿಲ್ಲದಿದ್ದರೆ ಸಾಧನೆ ವ್ಯರ್ಥ
  • ಪರಮಾತ್ಮನ ಅರಿಯದಿದ್ದರೆ ಜೀವನವೇ ವ್ಯರ್ಥ

ಕ್ರೋಧ ಬುದ್ದಿಯನ್ನು ತಿನ್ನುತ್ತದೆ .

ಅಹಂಕಾರ ಜ್ಞಾನವನ್ನು ತಿನ್ನುತ್ತದೆ .

ಮೋಹ ಮರ್ಯಾದೆಯನ್ನು ತಿನ್ನುತ್ತದೆ.

ಲಂಚ ಗೌರವವನ್ನು ತಿನ್ನುತ್ತದೆ .

ಪ್ರಾಯಶ್ಚಿತ್ತ ಪಾಪವನ್ನು ತಿನ್ನುತ್ತದೆ.

ಚಿಂತೆ ಆಯುಷ್ಯವನ್ನು ತಿನ್ನುತ್ತದೆ .

ಈ ನೀತಿ ಮಾತುಗಳು ಎಷ್ಟು ಅರ್ಥಪೂರ್ಣವಾಗಿದೆ ಅಲ್ಲವೇ?

ಈ ಸೂತ್ರಗಳನ್ನು ಯಾರು ಯಾರು ಎಷ್ಟೆಷ್ಟು, ಅವರವರ ಜೀವನದಲ್ಲಿ ಅಳವಡಿಸಿಕೊಂದಿರುತ್ತಾರೋ ಗೊತ್ತಿಲ್ಲಾ! ಅದೆಲ್ಲ ಅವರವರಿಗೆ ಬಿಟ್ಟಿದ್ದು .

ನಾನು ಇಲ್ಲಿ ಬರೆದದ್ದು ನಿಮಗೆಲ್ಲ ಇಷ್ಟವಾದರೆ ಮೆಚ್ಚಿ, ಇಲ್ಲವಾದರೆ ಹಾಗೆ ಸುಮ್ಮನೆ ಓದಿ ಬಿಟ್ಟುಬಿಡಿ!

ನಿಮ್ಮ ಅಭಿಪ್ರಾಯಗಳನ್ನು ತಿಳಿಸಿ.


2 comments:

Prabhuraj Moogi said...

ನೀತಿ ಸೂತ್ರಗಳು ಚೆನ್ನಾಗಿವೆ... "ಪ್ರಜ್ಞೆಯಿಲ್ಲದಿದ್ದರೆ ಪ್ರತಿಭೆ ವ್ಯರ್ಥ" ಬಹಳ ಅರ್ಥಪೂರ್ಣ.. ಪ್ರತಿಭೆ ಏನಿದೆ ಅನ್ನುವ ಪ್ರಜ್ಞೆ ಇಲ್ಲದಿದ್ದರೆ ಅದು ವ್ಯರ್ಥವೇ ಸರಿ..

SSK said...

Prabhu avarige, blog ge beti kottiddakke dhanyavaadagalu. Nimma abhipraaya odi santoshavaayithu!